HIATZ#24: Klimastreik im innergebirg ? -die bildgeschichte
zeit wird’s , ho i ma denkt, dass amoi klimastreiken gehst
oiso ho i ma a tafel zsammgschuastat
…… und mit zwoa Sesseln in a scheibtruchn do
scho in da malergasse kimmt mir der Polizeibus entgegen
kurbelt oba, frogt: “was host den vor?”
i sog : klimastreikn, und wanns wen nit passt dann wern wir uns eh glei wiedersegn !
guat, sogga, dann konnst mit mir hoamfoahn
ausgmocht sog i und wir lochn
die Polizei wohnt nämlich im Nachbarhaus
Klimastreik im innergebirg, a geh ……..
am Marktplatz wu i mi zur friedhofsmauer vadruckn
schließlich und endlich is mei erstes moi
na, soggt do die seifenfee, des geht do nit, do segns di nit
und de bäckersfee springt ihr bei
deshalb bau i donn mei gschbegertswerch
beim bammerl vor der sparkassa auf
unterhalt mi no a wenig mit da vielseifigen….
disgarier mit a boa de vorbeikemman
jo eh, moanans, oba china soitat jo do zerscht
und de suvfoahra
und opickn, des geht oba scho sicher nit
des is des ollerletzte
Klimastreik im innergebirg ? a geh……
wei i oiwei no an bammel ho
schreib i de nicole on
mia kämmen a schreibt se zruck
und wias donn kemman homms ois dabei
sessei, tafei, a jausn, an tee
hiatz homma am marktplatz unser kloas happening
und oiwei wida schau i umi
zum taferl von der elsa
und donn schiassts ma
genauso geht des:
ich liebe meinen planeten
und deswegen tua i eam nix o wos eam schod
und mia do demonstrieren nit aus verzweiflung
sondern aus liebe zum lebn
klimastreik im innergebirg ? des geht……
Kritisch, politisch, satirisch, lästig. Kurze Kommentare zu aktuellen Geschehnissen innerhalb und außerhalb des Innergebirgs, quasi Krimis im und ums Innergebirg. Dings halt, wie Wolf Haas sagen würde. Oder wie wir sagen: “Hiatz is schon wieder wos passiert!”
